Fransa hökuməti istefaya getdi

Fransada baş nazir Manuel Valls, prezident Fransua Ollanda hökumətin istefasını təqdim edib

Ölkə.Az bildirir ki, Fransa prezident administrasiyasından verilən açıqlamada, sabah "Prezident Ollandın Fransa üçün düşündüyü yeni siyasət istiqamətində" bir hökumətin qurulacağı bildirilib. 

Tətbiq etdiyi sosial siyasətlər səbəbiylə sol qanadın sərt tənqidlərinə hədəf olan Fransa prezidenti Olland ilə baş nazir Vallsa kabinet daxilindən iki nazirin də tənqid yönəltməsi hökumət böhranına gətirib çıxardı. Ancaq tənqidlərə qarşı sərt dayanma yolunu seçən baş nazir Valls, bu səhər prezident Ollanda hökumətin istefasını təqdim etdib. 

Vallsın istefasını qəbul edən Olland, baş nazirə yeni tərkibdə bir hökumət qurmaq tapşırığı verib. Fransız hökumətinin iki məşhur naziri, iqtisadiyyat naziri Arnaud Montebourq və milli təhsil naziri Benoit Hamon, mediada və həftə sonu qatıldıqları "Gül Bayramı"ında Olland və Vallsı sərt ifadələrlə tənqid ediblər. 

Ollandın "Məsuliyyət Paktı" ilə yalnız iş adamlarına dəstək verdiyini, artıq aztəminatlılar üçün də tədbirlər görülməsinin lazım olduğunu vurğulayıblar. Sosialist Partiyasının və onun radikal sol qanadının da yeni islahatlar çağırışlarına "Yeni islahat yox, mövcud islahatlarımızı sürətləndirəcəyik" cavabı verən Olland və Valls, iki nazirinin sərt tənqidi ilə çətin vəziyyətə düşdü. 

Hökumət böhranının gedikcə dərinləşdiyi Fransada müxalifət daxilində Olland və Vallsın istefasını istəyənlərin sayı artmağa başladı. Bazar günü sükutunu qoruyan baş nazir Valls, bu səhər tezdən sürpriz bir qərarla prezident Ollanda hökumətin istefasını təqdim etdi. Hökumət daxilindəki barışmazlara qarşı daha əvvəl olduğu kimi mülayim siyasətini davam etdirən Olland, yeni bir hökumət qurmaq qərarını verdi. Bu səhər Vallsı qəbul edən prezident, ona "daha mülayim yeni bir hökumət" qurmağı tapşırıb.

Tətil sonrası Fransada aparılan ilk rəy sorğusunda Ollandın popöulyarlığının 17%-ə, Vallsın isə doqquz xal geriləyərək 36%-ə düşdüyü məlum oldu.

Həmçinin sol cəbhə lideri, köhnə prezidentliyə namizəd olmuş Jan Lyuk Melakon da, "Olland, Sarkozidən betər çıxdı" deyərək hökumətin siyasətini tənqid edib.

Ölkə.Az