Dəm qazı yenə can aldı: 4 ölü
Azərbaycanda bir neçə şəxs dəm qazından zəhərlənərək ölüb.
Ölkə.Az Daxili İşlər Nazirliyinə istinadən xəbər verir ki, fevralın 21-də paytaxtın Yasamal rayonu ərazisində yaşayan Ələsgər Hacıyev və Toğrul İbrahimzadə mənzillərində dəm qazından zəhərlənərək ölmüşlər.
Digər hadisə Daşkəsən şəhərində baş verib. Fevralın 21-də Daşkəsən şəhər sakinləri Fəzail Məmmədov və arvadı Aybəniz Gəncə şəhərində yaşayan qohumlarının evində dəm qazından zəhərlənərək ölüblər.
Oxşar hadisə Cəlilabad rayonunda baş verib. Fevralın 22-də Cəlilabad rayonunda yaşayan Ceyhun Ağaverdiyev dərmandan zəhərlənmə ilə xəstəxanaya gətirilmiş, vəziyyəti ağırdır.
Araşdırmalar aparılır.
