Qurban Qurbanovun karyerasında 150-ci qələbə
“Qarabağ”ın baş məşqçisi Qurban Qurbanov məşqçi kimi yubiley qələbəsini qazanıb.
Ölkə.Az PFL saytına istinadən xəbər verir ki, Premyer Liqanın 22-ci turunda “Neftçi” ilə keçirilən matçda qazanılan qələbə Qurban Qurbanovun məşqçi karyerasında 150-ci yubiley qələbəsi olub.
Qurbanovun hesabında ümumilikdə 272 matç var, bu matçların 150-də onun komandası qələbə qazanıb. 71 oyun isə heç-heçə bitirib və 51 dəfə isə məğlub olub.
“Qarabağ”a qədər Qurban Qurbanov “Neftçi”nin məşqçisi olub, komanda onun rəhbərliyi altında 19 matçda qələbə qazanıb.
44 yaşlı mütəxəssis qələbə sayına görə Azərbaycanda 5-ci yeri tutur.