AŞPA-nın erməni deputatları bir-birlərini söydülər
Avropa Şurası Parlament Assambleyasındakı (AŞPA) Türkiyə nümayəndə heyətinin üzvü Markar Esayan AŞPA bürosuna şıkayət ərizəsi ilə müraciət edib.
Ölkə.Az modern.az-a istinadən xəbər verir ki, Markar Esayanın ərizəsində bildirilib ki, Ermənistan AŞPA-dakı nümayəndə heyətinin üzvü Naira Zöhrabyan ona qarşı kobud hərəkətlərə yol verərək, qadına yaraşmayan küçə söyüşləri ilə təhqir edib. Müraciətdə bu nalayiq davranışına görə N.Zöhrabyanın cəzalandırılması xahiş olunur.
Məlum olub ki, AŞPA-nın son sessiyasında Dağlıq Qarabağ bölgəsinin ətraf rayonlarla birlikdə işğalı və Sərsəng su anbarına dair qətnamələrin müzakirəsi zamanı türkiyəli deputat M.Esayanın Azərbaycanın lehinə səs verməsi ermənistanlı deputat N.Zöhrabyanın xoşuna gəlməyib. Nəticədə Naira Zöhrabyan sessiyanın sonunda Markar Esayana yaxınlaşaraq, onu nalayiq sözlərlə təhqir edib.
Hadisə ilə yaxından maraqlanan AŞPA sədri Pedro Aqramunt AŞPA-nın türkiyəli və ermənistanlı səfirlərilə ciddi söhbətlər olub.
AŞPA-dakı erməni mənbələrindən alınan məlumata görə Pedro Aqramunt tərəfindən qaldırılan iddia artıq nizam-intizam komissiyasına təqdim olunması üçün hazırlanıb və qurumun aprel sessiyasında N.Zöhrabyan barəsində sanksiya tədbirləri müzakirə olunacaq. Hazırda isə N.Zöhrabyanın səsvermə hüququndan məhrum olunması məsələsi müzakirə olunur.
Maraqlısı isə odur ki, erməni müxbirlər N.Zöhrabyandan M.Esayana nə kimi təhqiramiz sözlər dediyini soruşanda o, həyasızcasına bildirib:
"Mən ona erməni nümayəndəliyi adından layiq olduğu bütün sözləri (söyüşləri) dedim. Etika xatirinə efirə və mətbuata uyğun sözlər olmadığı üçün nə dediklərimi açıqlamayacam".
