Böyük Britaniya İraq kürdlərinə silah verəcək
Böyük Britaniya tezliklə İraq kürdlərini silah və döyüş sursatları ilə təmin edəcək.
Bu barədə Britaniyanın Forin-ofisinin başçısı Fillip Xammond bildirib. Nazir "Sunday Times" qəzetində dərc edilmiş məqalədə bildirib ki, qərb ölkələrinə hücumlar üçün baza kimi istifadə etmək niyyətində olan döyüşçülər İraq və Suriyanı terrorçu dövlətə çevirirlər.
O, qeyd edib ki, London tezliklə döyüş sursatlarının və silahların İraqda yaşayan kürdlərə çatdırılmasına başlayacaq.
Bundan əlavə olaraq vurğulayıb ki, Britaniya regionda yerüstü əməliyyatlar həyata keçirmək niyyətində deyil.
Xammond həmçinin amerikalı jurnalist Ceyms Foulinin qatillərindən birinin britaniyalı ola biləcəyini dilə gətirib. (anspress)
Ölkə.Az
