Zakir Həsənov: Qarabağın işğalı bölgədəki şəraitə mənfi təsir göstərir
Azərbaycanın müdafiə naziri general-polkovnik Zakir Həsənov Serbiyanın ölkədəki səfiri Neboyşa Rodiç ilə görüşüb.
Bu barədə Ölkə.Az-a Müdafiə Nazirliyinin mətbuat xidmətindən məlumat verilib.
Müdafiə naziri regiondakı hərbi-siyasi vəziyyətə toxunaraq Ermənistanın işğalçılıq siyasətinin bu gün də davam etdiyini, bunun nəticəsində sülh prosesinin yubandığını və danışıqların uzadılmasının bölgədəki şəraitə mənfi təsir göstərdiyini diqqətə çatdırıb.
Müxtəlif sahələrdə Azərbaycan-Serbiya əməkdaşlığının inkişaf etdirilməsində qarşılıqlı marağın olduğu vurğulandığı görüşdə ölkələr arasında əlaqələrin inkişaf perspektivləri müzakirə edilib.
