Facebook yaradıcısının “dislike”dan imtina
Facebook-da yeni tətbiq edilmiş “Reaksiyalar”, “dislike”düyməsini tətbiq etməmək arzusundan irəli gəlib.
Ölkə.Az xəbər verir ki, bu barədə sosial şəbəkədə öz səhifəsində Mark Zükerberq yazıb.
“Bəzən kədəri və məyusluğu da bölüşmək istəyirik. İnsanlar “bəyənmirəm” düyməsini tətbiq etməyi xahiş etmişdi, amma buna səbəb müəyyən məlumatı bəyənmədikləri üçün deyildi. İnsanlar öz kədərlərini göstərmək və daha geniş emosiya spektrini paylaşmaq istəyirdilər”, - deyə Zükerberq bildirib.
Zükerberq, öz komandası ilə bu imkanı necə həyata keçirmək barəsində düşünüb.
“Mənim məqsədlərimdən biri funksiyanı like düyməsinə basmaq qədər, maksimal şəkildə sadə etmək idi. Nəticədə biz “Reaksiyalar”ı aldıq, onlar məhəbbət, gülüş, təəccüb, kədər və qəzəbi ifadə etmək imkanı yaradır”, hələlik ən populyar emosiya “məhəbbət”dir.
Fevral ayını 24-də Facebook-da “Reaksiyalar” adını alan alternativ“like”lar funksiyası əlavə edilib.
“Reaksiyalar”ı görmək üçün “like” işarəsini basıb saxlamaq lazımdır.
