Gürcüstan patriarxı İlham Əliyevdən nə xahiş etdi?
Gürcüstan patriarxı II İliya Azərbaycan prezidenti İlham Əliyevə müraciət edib.
Bu barədə Ölkə.Az xarici mediaya istinadən xəbər verir.
“Biz 4 ay əvvəl patriarxın tövsiyələrini özündə əks etdirən məktubu Azərbaycan rəhbərliyinə göndərmişik. İki ay ərzində yekun cavabın verilməsini gözləyirik. Bu proses yekunlaşdıqdan sonra Azərbaycan dini komitəsinin razılığı ilə biz Müqəddəs Georgi məbədində ibadəti bərpa edəcəyik”, - Yepiskop Dmitri Kapanadze deyib.
Hazırda Qax rayonunda dini ayinlərin yerinə yetirilməsi dayandırılıb. Kilsənin əvvəlki rahibləri Dmitri Tetruaşviliyə və Basilaya Azərbaycan ərazisində dini xidmətə davam etmələri xahişlərinə imtina edilmişdi.
Qeyd edək ki, Azərbaycan qanunvericiliyi ilə ölkə ərazisində dini ayinləri yalnız Azərbaycan vətəndaşı yerinə yetirə bilər.
