2 uşaq anası özünü həyətdə asdı
Zaqatalada intihar hadisəsi baş verib.
Ölkə.Az xəbər verir ki, Zaqatala Rayon Prokurorluğundan ans press-ə verilən məlumata görə, hadisə rayonun Mazıx kəndində qeydə alınıb. Kənd sakini 1966-cı il təvəllüdlü Məhəbbət Umarxan qızı Səfərova özünü yaşadığı evin həyətyanı sahəsindəki talvardan asıb. Onun asılmış meyiti qaynı tərəfindən aşkar edilib.
M. Səfərovanın canına qəsd etməsi onun əsəb xəstəliyindən əziyyət çəkməsi və psixoloji xəstəliyi ilə əlaqələndirilir.
Faktla bağlı Zaqatala rayon prokurorluğunda CM-nin 125-ci (özünü öldürmə həddinə çatdırma) maddəsi ilə cinayət işi açılıb, araşdırma aparılır.
50 yaşlı qadının iki övladı var.
