Ermənistan təcili hospital tikir

Ermənistan böyük konsert kompleksini hospitala çevirir

Son zamanlar cəbhədə verdiyi ciddi itkilər Ermənistan dövlətini profilatiki tədbirlər planına yenidən baxmağa, ən gözlənilməz addımlar atmağa vadar edib. Qəflətən nəhəng hospitala ehtiyac yaranıb. 

Yadınızdadırsa, son döyüşlərdə ermənilərin ölən və yaralananların sayının çoxluğu barədə elə Ermənistan kütləvi informasiya vasitələrinin məlumatlarında etiraf olunurdu və hətta o da qeyd edilirdi ki, yaralıların böyük bir qrupunu Xankəndində yer olmadığında İrəvana aparıblar. Amma görünür bu, vəziyyətdən çıxış yolu olmayıb. Elə buna görə də hökumət ölkənin ən nəhəng tikinti komplekslərindən birini, hətta 2013-cü ildə Serj Sarkiyanın prezident kimi inqorasiya mərasiminin keçirildiyi Karen Dəmirçyan adına Ermənistan Konsert Kompleksini, bazasında Hospital yaradılması məqsədilə Müdafiə Nazirlyinin sərənamına verib. Bu barədə qərar dünən hökumətin xüsusi iclasında qəbul edilib. 

Komleks 46,3 min kvadrat metrlik əraziyə malikdir və iqtisadi böhran keçirən Ermənistanın belə iri binaları saxlamaq imkanları onsuz da yoxdur. Ona görə də kompleks bir neçə dəfə hərraca çıxraılmışdı. Hətta qiymətin nəzərə çarpacaq dərəcədə aşağı salınmasına baxmayaraq müştəri tapılmamışdı. Belə bir vəziyyətdə Ermənistan Müdafiə Nazirlyiinin hökumətə kompleksin hospital üçün ona verilməsi barədə müraciəti göydəndüşmə olub. 

Mərkəzi Klinik Hərbi Hospitalının direktoru Aram Asatiuryan xüsusi toplantıdakı çıxışında yeni hospital zərurətini cəbhədən gələn yaralıların çox olması və daha da artacağı ilə izah edib. “Rusiyanın ötən il Ermənistandakı Cənub Hərbi dairəsində formalaşdıdığı 1602 nömrəli Hərbi Klinik Hospital çox vaxt yaralıların operativ yerləşdirilməsinə imkan vermir. Bəzən bürokratik əngəllər yaranır və hətta onlar Moskvadan icazə istəyirdilər. Gözləməyə isə vaxt olmur. Bunun nəticəsində iyul ayının əvvəlində təcili əməliyyat apara bilmədiyimizdən üç əsgər itirmişik.”/Anstv/

Ölkə.Az