Azərbaycanlılar Ukraynada batalyon yaradır

Ukrayna azərbaycanlıları Konqresi (UAK) ölkənin şərqində hərbi əməliyyatlarda iştirak etmək üçün beynəlxalq batalyonun yaradılması təklifi ilə prezident Pyotr Poroşenkoya müraciət edib

Bunu UAK-nin rəhbəri Xəqani Hüseynov bəyan edib.

Müraciətdə bildirilir: “Pyotr Alekseyeviç, biz Sizdən hərbi əməliyyatlarda iştirak etməyimizə dair əmr verməyinizi xahiş edirik. Siz Ali Baş Komandan kimi məsuliyyəti üzərinizə götürməyə və beynəlxalq batalyonun yaradılması üçün icazə verməyə qadirsiniz”.

Xəqani Hüseynovun sözlərinə görə, batalyonda iştirak etmək istəyən könüllülər təşkilata müraciət edib, lakin Poroşenko batalyonun yaradılması ilə bağlı qərarını verməyənə qədər onların kimliyi açıqlanmayacaq./Anspress/

Ölkə.Az