"Ermənilər Azərbaycana girdi, müharibə başladı" başlıqlı xəbər 2014-cü ildə yayılıb
Bu gün ölkə mətbuatında "Ermənilər Naxçıvana girdi, müharibə başladı"— Rusiya KİV” başlıqlı xəbərlər yer alıb.
Bu xəbər ölkə ictimaiyyətini narahat edib. Xəbərin doğru olub, olmaması ilə bağlı redaksiyamıza da zəngləri və müraciətlər edilib. Ölkə.Az olaraq əhalinin narahatlığını nəzərə alaraq, Culfa rayon Ləkətağ kənd sakinləri ilə əlaqə saxadıq. Kənd sakinləri kənddə sakitlik olduğunu bildirdilər. “Kənddə sakitlikdir, əhali də öz işi ilə məşğuldur. Həyat həmişəki kimi öz axarı ilə davam edir”.
Məsələni dərindən araşdırdıqda isə aydın oldu ki, bu, heç bir əsası olmayan xəbər 2014-cü ilin iyun ayında Rusiya KİV-lərinə istinadən anspress.com-da yayımlanıb. Sosial şəbəkələrdə yenidən paylaşılmasından sonra isə bəzi xəbər portalında yenidən tirajlanıb. Həmin xəbərin yenidən medianın gündəminə gətirilməsi böyük ehtimalla texniki səbəblərdəndir.
