Azərbaycan prezidenti Gürcüstan baş nazirinin müavini ilə görüşüb
Azərbaycan prezidenti İlham Əliyev Gürcüstan baş nazirinin müavini və energetika naziri Kaxa Kaladzeni qəbul edib.
APA-nın məlumatına görə, görüşdə Azərbaycanla Gürcüstan arasında enerji layihələrinin yüksək səviyyədə həyata keçirildiyi, “Cənub” qaz dəhlizinin uğurla reallaşdırıldığı bildirilib.
Söhbət əsnasında həmçinin ölkələrimiz arasında enerji sahəsi ilə yanaşı, digər sahələri də əhatə edən birgə layihələrin uğurla icrasından məmnunluq ifadə olunub, iki ölkənin gələcəkdə də strateji tərəfdaş kimi əməkdaşlıq edəcəyi vurğulanıb.
