Türkiyənin yeni baş naziri - Əhməd Davudoğlu
AK Partiyanın Mərkəzi Şurasının toplantısının sonunda prezident seçilmiş Rəcəb Tayyib Ərdoğandan boşalan baş nazir postuna xarici işlər naziri Əhməd Davudoğlu təyin edilib.
Hakim partiyanın Mərkəzi Şurasının iclasından sonra Ərdoğanın çıxışı Türkiyə televiziyalarından canlı olaraq yayımlandı.
Hazırda yeni baş nazir Əhməd Davudoğlu tribunada çıxış edir.
Əslində əksər siyasi ekspertlər Ərdoğandan sonra baş nazirin məhz Davudoğlu olacağını proqnozlaşdırmışdılar. O, son 20 ilin ən güclü və nüfuzlu türk siyasətçilərindən biri kimi tanınır.
Əhməd Davudoğlunun iş karyerası əsasən elmi və diplomatik fəaliyyətdən ibarətdir. Bir neçə xarici dildə sərbəst danışır. 2009-cu ildən bu günə qədər Türkiyənin xarici işlər naziri vəzifəsini icra edib.
Ölkə.az
