Rotterdamda tankerlərin tıxacı yarandı
Hollandiyanın Rotterdam limanında son 7 ilin ən uzun tanker tıxacı yaranıb.
Ölkə.az xəbər verir ki, Avropanın ən iri neft rezervuarlarının yerləşdiyi Rotterdam limanında neftin çoxluğundan tankerlər limana yan almaq üçün növbəyə durublar.
Məlumata görə, hazırda limana yan almaq üçün 50-dən çox ağır tonnajlı böyük tanker növbədə gözləyir.
Rotterdam limanının rəhbərliyindən mediaya verilən məlumatda deyilir ki, neftin çoxluğundan artıq bütün rezervuarlar dolub və ona görə də tankerlər gözləmək məcburiyyətindədirlər.
Birja analitiklərinin fikrincə bu hal qara qızılın qiymətinin kəskin ucuzlaşmasına gətirib çıxaracaq.
