Məhv edilmiş PKK terrorçularının qəbirləri nömrələndi
Türkiyənin cənubi-şərqində davam edən antiterror əməliyyatlarında yüzlərlə PKK-çı məhv edilib.
Ölkə.az xəbər verir ki, Şırnakın Cizrə rayonunda, xüsusilə şiddətli gedən döyüşlərdə öldürülmüş PKK terrorçularının çoxunun yiyəsi çıxmadığından şəxiyyətlərini müəyyən etmək mümkün olmayıb.
Öldürülən terrorçulardan DNT analizi götürüldükdən sonra onlar nömrəli qəbirlərdə dəfn ediliblər.
Xatırladırıq ki, AKP-nin başladığı "kürd açılımı"ndan sonra sərbəstlik verilmiş bölgə qısa müddətdə PKK-nın yuvasına çevrilmişdi. Artan terror təhlükəsindən sonra Türkiyə hökumətinin qərarı ilə ordu və təhlükəsizlik qüvvələri ölkənin cənub-şərqində geniş antiterror əməliyyatlarına başlamışdı.
