Ölkə.az sadə vətəndaşlarımızın haqq səsinə çevrilir

Ölkə.Az yazdı, işdən qanunsuz çıxarılmış 11 nəfər Qarabağ əlili əvvəlki işinə bəpa edildi

Ölkə.Az-da Mingəçevir şəhəri Azərbaycan İstilik Elektrik Stansiyasında işçilərin kütləvi ixtisara salınması ilə bağlı xəbərlər getmişdi:

"Qarabağ əlilini səbəbsiz yerə işdən qovdular — Mingəçevirdə özbaşınalıq" və ""Sizi Qarabağa kim göndəribsə, gedin ondan iş tələb edin!" — Baş mühəndisdən veteran və şəhid ailələrinə təhqir" başlıqlı məqalələrdə 150 işçinin işdən azad edildiyi və bunların arasında 11 nəfər imtiyazlı şəxsin, Qarabağ əlilləri və şəhid ailələrinin üzvlərinin olduğu bildirilmişdi.

Bu gün həmin Qarabağ əlilləri və şəhid ailələrindən aldığımız məlumata görə, Mingəçevir şəhəri Azərbaycan İstilik Elektrik Stansiyasının rəhbərliyi 11 nəfər imtiyazlı şəxsi yenidən işə bərpa ediblər.

Məlumatda deyilir ki, Mingəçevir şəhəri Azərbaycan İstilik Elektrik stansiyasının rəhbərliyi Qarabağ əlilləri və şəhid ailələrinə onları köhnə işləri ilə təmin edəcəklərini bildirib.

Səxavət Məmməd
Ölkə.Az