Çinliləri burun tükü xilas edəcək
Ölkə.az xəbər verir ki, Çindəki hava kirliliyi artıq ölkənin təhlükəsizliyini təhdid edir.
Çinin bütün iri sənaye şəhərlərində atmosferə atılmış tullantılar, zəhərli parnik qazları hər il onminlərlə insanın ölümünə səbəb olur.
WildAid China portalının bu mövzuya aid hazırladığı qısa çarx isə insanlar arasında böyük marağa səbəb olub. Videoçarxda insanların burunlarında uzun tüklər bitib və müəllif gələcəkdə çinliləri yalnız bu burun tüklərinin hava çirkliliyindən qoruya biləcəyini deyir. Əslində bu sarkazmın arxasındakı niyyət ölkədəki ağır ekoloji duruma diqqət çəkməkdir.
Portalın işçilərindən olan May Mey isə açıqlamasında bildirib ki, onların əsl niyyəti Çinin qarşısında duran ən böyük və təhlükəli problemə həm insanların, həm də dövlətin diqqətini çəkməkdir.
