ADİF: Hələlik vəsaitimiz var
Bu gün Əmanətlərin Sığortalanması Fondunun 40 milyon manat vəsaiti qalıb.
Ölkə.Az xəbər verir ki, bu sözləri Əmanətlərin Sığortalanması Fondunun icraçı direktoru Azad Cavadov bu gün keçirilən mətbuat konfransında bildirib.
“Bu gün hələki vəsaitlərimiz olduğundan Mərkəzi Bankdan əlavə vəsaitin cəlbi ilə bağlı müraciət etməmişik”, - deyə o qeyd edib.
Cavadov həmçinin vurğulayıb ki, rəhbərlik etdiyi Fondun vəsaitləri bitdiyi təqdirdə, ADİF Mərkəzi Bankdan 20 milyon manat vəsait cəlb etməyi planlaşdırır.
“Əgər AMB-dən vəsait cəlb ediləcəksə, bu, yalnız manatla olacaq”, - o bildirib.
O həmçinin qeyd edib ki, bu gün ölkədə əmanətlərin 85%-i dollarla, geridə qalan hissəsi isə manatla banklarda yerləşdirilib.
