Pentaqondan Kim Çen Inın hədələrinə
ABŞ-ın Müdafiə Nazirliyi Şimali Koreyanın lideri Kim Çen Inın nüvə zərbəsi hədələrinə cavab verib.
Ölkə.az xəbər verir ki, Pentaqonun rəsmi nümayəndəsi Bill Urban bu haqda media nümayəndələrinə açıqlama verib.
"Biz Şimali Koreyanı təxribat xarakterli bəyanatlardan və addımlardan çəkinməyə çağırırıq. Belə bəyanatlar verməkdənsə, üzərinə düşən beynəlxalq öhdəlikləri yerinə yetirmək daha optimal yol olardı", deyə Urban bildirib.
Pentaqonun rəsmisi sonra əlavə edib ki, ABŞ Koreya yarımadasındakı vəziyyəti özünün müttəfiqi (Cənubi koreya) ilə koordinasiyalı şəkildə nəzarət altında saxlayır. O, qeyd edib ki, ABŞ və NATOdakı müttəfiqləri Pxenyanın istənilən aqressiyasına cavab verməyə hazırdır.
