Donald Trampdan Putinə çağırış
"Rusiya Snoudeni ABŞ-a təhvil verməlidir"
Ölkə.az xəbər verir ki, ABŞ prezidentliyinə ən real namizədlərdən biri hesab edilən Donald Tramp Rusiyaya çağırış edib.
"Mən əvvəldən də demişəm ki, Snouden casusdur və ABŞ-a qayıtmalıdır. Əgər Rusiya bizə bir dövlət kimi hörmət edirsə, onda Snoudeni bizə təhvil verməlidir", deyə Tramp vurğulayıb.
Xatırladırıq ki, ABŞ Milli Təhlükəsizlik Agentliyinin keçmiş əməkdaşı Eduard Snouden ölkədən qaçaraq xüsusi xidmət orqanlarının gizli sənədlərini mətbuata sızdırmışdı. O, 2014-cü ildən Rusiyada gizlənir və ona bu ölkədə 3 illik yaşamaq icazəsi verilib.
Qeyd edək ki, ABŞ-ın tələblərinə baxmayaraq hələ də Moskva onu Vaşinqtona təhvil verməyə razılıq verməyib.
