Azərbaycanlılar haqqında yazan rus ədib kitabının təkrar çapı üçün sponsor axtarır
Rusiya hökuməti, "Sirr deyil" nəşriyyatının, Rusiyanın Müdafiə və Mədəniyyət Nazirliklərinin və Rusiya hərb tarixi cəmiyyətinin birgə keçirdiyi ədəbi konkursun nəticələri elan olunub.
Ölkə.az xəbər verir ki, "Böyük Qələbənin Qəhrəmanları" adı altında keçirilən konkursun qaliblərindən biri də Azərbaycanın yaxın dostu, Azərbaycan mədəniyyətinin, ədəbiyyatının və incəsənətinin vurğunu Aleksandr Fomenkov olub.
Onun Böyük Vətən Müharibəsinin qəhrəman azərbaycanlılarına həsr etdiyi "Qara geyimli qadın" hekayəsi bu konkursda mükafat alıb.
Hazırda rus ədib bu hekayəsinin və Azərbaycana həsr etdiyi digər hekayə və şeirlərinin təkrar, toplu şəkildə çapdan çıxması üçün sponsor axtarır.
Bu materialı qəlbinə vətənpərvərlik hissləri hakim olan azərbaycanlı mesenatların oxuyacağı və xalqımızın yaxın dostu rus ədibinin soydaşlarımız haqda yazdığı kitabın çapına kömək göstərəcəyi ümidi ilə dərc edirik.
Kitabların elektron variantını aşağıdakı saytdan oxuya bilərsiniz:
