624 nəfərə alimlik dərəcəsi verilib
Ötən il Azərbaycanda 81 alimə elmlər doktoru, 543 nəfərə fəlsəfə doktoru elmi dərəcəsi, 59 nəfərə professor, 323 nəfərə isə dosent adı verilib.
Ölkə.Az Trend-ə istinadən bildirir ki, bu barədə "Azərbaycan Respublikası Nazirlər Kabinetinin 2015-ci ildə fəaliyyəti haqqında" hesabatda qeyd edilib.
Hesabatda bildirilib ki, alim və mütəxəssislərə sənaye mülkiyyəti obyektləri üzrə ixtiralara faydalı modelə və sənaye nümunələrinə dair 111 patent verilib.
Hesabat ilində 20-yə yaxın elm-tədqiqat işinin nəticələri istehsalatda tətbiq edilib.
Ötən il yeni yaradılan, azot və fosfor tərkibli "Azofos" gübrəsinin Abşeron və Qəbələdə müxtəlif yem bitkilərində tətbiqi nəticəsində məhsuldarlıq 40 faiz artıb.
