Lavrovla Con Kerri arasında telefon danışığı olub

Suriyada elan olunmuş atəşkəs regiondakı vəziyyətə müsbət təsir edib.

Ölkə.Az virtualaz.org-a istinadən xəbər verir ki, bunu bu gün baş tutmuş telefon danışığı zamanı Rusiyanın xarici işlər naziri Sergey Lavrov və ABŞ Dövlət Departamentinin rəhbəri Con Kerri bildiriblər.

Hər iki ölkənin xarici siyasət idarələrinin başçıları bir fikirdə yekdil olublar ki, atəşkəs rejiminə əsasən riayət olunur və bu, regionda zorakılıq hallarının kəskin azalmasına gətirib çıxarıb.

Bundan əlavə, Lavrov və Kerri razılaşıblar ki, Suriya münaqişəsi üzrə danışıqlar gecikdirilməməlidir.
Xatırladaq ki, Suriya ərazisində atəşkəs fevralın 27-də elan olunub.