\"Qadın Hakimiyyəti\" mövzusunda seminar keçirildi

Ölkə.Az xəbər verir ki, Dəcəl Balam Ailə və Uşaq İnkişaf Mərkəzi daxilində yaranmış Delfin Qadın Klubunda 8 Mart Beynəlxalq Qadınlar Bayramına həsr olunmuş " Qadın Hakimiyyəti" mövzusunda seminar keçirildi. Seminara açılış sözünü mərkəzin rəhbəri Dilşad xanım edərək qonaqları salamladı. Dilşad xanım mərkəzin fəaliyyəti haqqında danışdı və “Bütün Uşaqlar BİR Arada Dəcəl Balamda” layihəsində tərəfdaş olduğu Hemofiliyalı Xəstələrin Respublika Assosiasiyasına, Leykemiya ilə Mübarizə İctimai Birliyinə, Azərbaycan Diabet Liqasının hərbərlərinə təşəkkürünü bildirdi.

Tədbir Hemofiliyalı Xəstələrin Respublika Assosiasiyasının rəhbəri Gülnarə Hüseynova, Leykemiya ilə Mübarizə İctimai Birliyinin rəhbəri Mehriban Bağırova , Azərbaycan Diabet Liqasının rəhbəri Yeganə Sultanın çıxışları ilə davam etdi. CİBS və Qadın İnkişaf Mərkəzinin təlimçiləri Gülnarə xanım və Lalə Xanımın apardığı “Qadın Hakimiyyəti” mövsuzunda bir çox faydalı məlumatları xanımlara çatdıran seminar marağa səbəb oldu. Xanımlar müzakirələr , sual- cavab əsasında keçirilən seminarın davamlı olmasını bildirdilər.

Maraqlı məlumatları ilə qadınlara 1 saatlıq seminar verən CİBS və Qadın İnkişaf Mərkəzi Delfin Qadın Klubuna təşəkkürünü bildirərək xanımların istəyi ilə davamlı seminarlar keçirəcəklərini dedilər . Sonda bütün iştirakçılar çay süfrəsi ətrafında həmsöhbət oldular. Torta görə DAD LUXE və Nigar’s Pearls şirniyyat evinə təşəkkürümüzü bildiririk.

Ölkə.Az