ABŞ İsveçdə zenit-raket sistemləri yerləşdirir
ABŞ komandanlığı İsveçdə "Patriot" zenit-raket sistemləri yerləşdirəcək.
Ölkə.az xəbər verir ki, bu haqda ABŞ-ın Avropadakı qüvvələrinin komandanı Frederik Hoces məlumat verib.
Onun sözlərinə görə, ABŞ-ın Avropadakı hərbi bazalarından İsveçə "Patriot" sistemləri gətiriləcək.
"Bu sistemlər Baltik hövzəsinin səmalarını qoruyacaq", deyə amerikalı komandan bildirib.
Hərbi ekspertlər bunu Rusiyanın Baltik dənizində son aylarda keçirdiyi hərbi təlimlərə cavab olduğunu deyirlər.
Xatırladırıq ki, Rusiya Baltik dənizində hərbi qüdrətini artırmaq üçün kompleks tədbirlər görüb. Kreml Kalininqrad vilayəti ərazisinə yeni hücum raketləri, buradakı aerodromlara və hərbi dəniz bazasına isə müasir qırıcı-bombardımaçı təyyarələr və hərbi gəmilər göndərib.
