Dünya çempionu dopinqə görə yarışdan uzaqlaşdırıldı

Rusiyalı tennisçi dopinq qəbul etdiyinə görə yarışlardan uzaqlaşdırılacaq.

Ölkə.az xəbər verir ki, dünyanın ən reytinqli tennisçi qızlarından biri olan Mariya Şarapova Beynəlxalq tennis federasiyasından gələn məktubu jurnalistlərlə paylaşıb.

Onun sözlərinə görə, federasiya qanında qadağan olunmuş meldonium maddəsi aşkarlandığına görə, tennis ustasını yarışlara buraxmayacaq.

Daha sonra tennisçi bu maddəni 2006-cı ildən qəbul etdiyini bildirərək bu qərara heyrətləndiyini deyib.

"Bu preparatı mənə ailə həkimimiz yazıb. Bu preparat 2016-cı ilə qədər qadağan olunmuş maddələrin siyahısında olmayıb", deyə Şarapova vurğulayıb.

Ölkə.az