Politoloq: \"NATO Türkiyəni qorumalıdır, amma...\"

NATO-nun baş katibi Yan Stoltenberq Rusiyanı NATO-nu parçalamaq istəməkdə ittiham edib

Yan Stoltenberq bildirib ki, Rusiya müxtəlif metodlarla bu təşkilatı parçalamaq istəyir. Ancaq, Rusiyanın bütün cəhdləri uğursuzdur və biz öz strategiyamızı düzgün seçmişik. Uzun illərdir biz Moskvanın bu bu cəhdlərini müşahidə edirik.

Yan Stoltenberqin fikrinə Türk-slavyan hərəkatının lideri, politoloq Adıgözəl Məmmədov Ölkə.Az-a verdiyi açıqlamasında münasibət bildirib:

"Bu bəyanat tamamilə texniki məqsədlər üçün səsləndirilib və müəyyən strateji məqsədlərə hesablanıb. Bunlarla yanaşı NATO-nun tərkibinə daxil olan dövlətlərin böyük əksəriyyəti Vaşinqton-Bürssel xətti üzrə aparılan siyasətlə bir çox hallarda razı deyillər. Bunu Türkiynin timsalında görürük, zaman-zaman Fransanın, Almaniyanın siyasi elitası da NATO-nun apardığı siyasətə etirazlar edir. NATO-da ümumi maraqlara söykənmiş siyasəti özünü tam doğrultmur. Əksinə, Türkiyə Suriya məsələsində NATO razılaşmasının 5-ci bəndinə istinad edərək bildirir ki, Türkiyə NATO üzvüdür, digər NATO dövlətləri Türkiyəni qorumalıdır. NATO dövlətlərindən birinə hər hansısa bir hücum olarsa, digər NATO dövlətləri həmin dövlətin müdafiəsinə qalxmalıdır. Ancaq biz bunu praktikada görmürük.

Suriyada Türkiyənin dövlət bütövlüyünə qarşı silahlı kürd separatizmi var, amma kürd separatizminə qarşı NATO heç bir addım atmır. NATO-nun daxilində ciddi parçalanma var, heç bu məsələdə Rusiyanın rolu olmasa da olar. Buna görə də NATO rəhbərliyi belə bəyanatlarla şər dövlət göstərək daxildəki parçalanmanı malalamağa cəhd göstərir".

Səxavət Məmməd
Ölkə.Az