Yol polisindən qadın sürücülərə sürpriz
Reyd təşkil olunub.
Bu gün 8 Mart Beynəlxalq Qadınlar Günü münasibətilə Yol Patrul Xidmətinin (YPX) əməkdaşları qadın sürücüləri təbrik ediblər.
Ölkə.Az xəbər verir ki, Bakı Şəhər Baş Polis İdarəsi (BŞBPİ) Dövlət Yol Polis İdarəsinin (DYPİ) bölmə rəisi, polkovnik Vaqif Əsədov Report-a bildirib ki, bu gün səhər saatlarından başlayaraq paytaxtın müxtəlif küçə və prospektlərində reydlər təşkil olunub:
“Reydlər zamanı ümumilikdə 300-dən artıq qadın sürücü müxtəlif qayda pozuntularına görə saxlanılıb. Lakin həmin qadın sürücülərə inzibati protokol tərtib olunmayıb. Yol polisləri tərəfindən saxlanmılan qadın sürücülərə müxtəlif hədiyyələr təqdim olunub”.
Qeyd edək ki, xanım sürücülərə verilən hədiyyələr arasında müxtəlif əşyalar, pulsuz yanacaq, avtoyuma, sığorta kartları, gül və başqa qiymətli hədiyyələr olub.
