10 nəfəri bıçaqla doğradı, özünü isə güllələdilər
Co Baydenin səfəri ərəfəsində İsrail qana boyandı
İsrailin paytaxtı Tel-Aviv şəhərində qanlı insident baş verib.
Ölkə.az xəbr verir ki, 22 yaşlı fələstinli gənc Tel-Aviv yaxınlığındakı limanın girişində insanlara hücum edib.
10 nəfəri bıçaqla doğrayan fələstinlini sonda polis güllələyib.
Məlumata görə, fələstinli gəncin bıçaqladığı şəxslərdən biri ABŞ, ikisi də Rusiya vətəndaşıdır. ABŞ vətəndaşının xəstəxanada keçindiyi bildirilir. Ruslar və digər yaralılar isə xəstəxanaya çatdırılıblar.
Xatırladırıq ki, ABŞ-ın vitse-prezidenti Co Bayden hazırda İsraildə səfərdədir və hadisə onun baş çəkdiyi "Peres sülh mərkəzi"nin bir kilometrliyində baş verib.
Fələstin mənbələrinin məlumatına görə, hadisə MOSSAD-ın təxribatıdır və bununla İsrail ABŞ-a "necə çətin durumda olduğunu" göstərmək istəyir.
Fələstinli gəncin kimliyi və hansı qruplaşmaya aid olduğu araşdırılır.
