ABŞ Avstraliyada ağır bombardmançılar yerləşdirəcək
ABŞ hakimiyyəti Avstraliya ilə danışıqlara başlayıb.
Ölkə.az xəbər verir ki, ABŞ komandanlığı materikdə hərbi baza yaratmaq üçün Avstraliyanın razılığını almağa çalışır.
Bu haqda ABŞ Hərbi hava qüvvələrinin Sakit okeandakı baş qərargahının rəisi general Lori Robinson ABC kanalına məlumat verib.
Onun sözlərinə görə, rəsmi Kanberranın razılığı alındıqdan sonra ABŞ bu ölkənin şimal ştatında B-1 strateji bombardmançı təyyarələr yerləşdirəcək. General qeyd edib ki, ABŞ təyyarələri Çinin Sakit okeanında aktivləşməsindən sonra bu regiondakı müşahidə uçuşlarının sayını artıracaq.
Xatırladırıq ki, bir müddət bundan əvvəl Çin Cənubi Çin dənizindəki mübahisəli adalarda öz qırıcılarını yerləşdirmişdi.
