Əfv Məsələləri Komissiyası siyahını Prezidentə təqdim edəcək
Bu gün Azərbaycan Respublikasının Prezidenti yanında Əfv Məsələləri Komissiyasının yekun iclası keçirilib.
Ölkə.Az xəbər verir ki, bu barədə Trend-ə komissiyanın üzvü Rəşad Məcid məlumat verib.
Onun sözlərinə görə, iclasda ümumilikdə 400-dən artıq müraciətə baxılıb. Müraciətlərin 1/3 hissəsindən çoxu üzrə müsbət qərar verilib.
R.Məcid bildirib ki, bu sənədlər Azərbaycan Prezidenti İlham Əliyevə təqdim olunacaq və yəqin ki, Novruz bayramı ərəfəsində əfv sərəncamı imzalanacaq.
