Rusiyada ermənilər Azərbaycan vətəndaşını öldürüblər

Rusiyada ermənilər Azərbaycan vətəndaşını öldürüblər.

Bu barədə Sankt-Peterburq şəhər prokurorluğunun məlumatında bildirilir.

İki Ermənistan vətəndaşı  - Arman Arakelyan və Qayka Tadevosyan - Azərbaycan vətəndaşını oğurlamaqda və qətlə yetirməkdə ittiham olunurlar.

İstintaqın versiyasına görə, sentyabrın 15-də şəxsin itkin düşməsi barədə polisə ölənin həyat yoldaşı xəbər verib. 

Qeyd olur ki, bir gün əvvəl zərərçəkən ilə şübhəli şəxslər arasında baş vermiş münaqişə zəmnində ermənilər həmyerlimizi maşına mindirərək şəhər kənarına aparıblar. 

Burada onun döş və qarın nahiyələrinə bıçaq zərbələri endirərək öldürüblər, sonra isə cəsədi basdırıblar və maşını yandırıblar.

Cinayət işi ittiham qərarı ilə Puşkin rayon məhkəməsinə göndərilib. (oxu.az)