Putinin nümayəndəsi Bakıda: Neftin qiyməti 60 dolları ötə bilər
Heç kim neftin qiymətini proqnozlaşdıra bilməz.
Ölkə.Az APA-ya istinadən xəbər verir ki, bunu Bakıda jurnalistlərə açıqlamasında Rusiya prezidenti Vladimir Putinin Qaz İxracatçısı olan Ölkələr Forumu ilə əlaqələr üzrə xüsusi nümayəndəsi, “Qazprom” şirkətinin Direktorlar Şurasının sədri Viktor Zubkov deyib.
V. Zubkov deyib ki, əgər neftin qiyməti 50-60 dollar arasında qərarlaşarsa, bu, 2016-cı il üçün optimal qiymət olacaq:
“Hazırda neftin bir barelinin qiyməti 40 dolları ötüb. Gələcəkdə nə olacağını demək isə çətindir. Neftin qiymətinə bir neçə amil, o cümlədən dünyanın müxtəlif ölkələrinin iqtisadiyyatının inkişaf tempi təsir edir.
Bununla yanaşı, İran da öz neftini bazara çıxarır. Düşünürəm ki, OPEK və digər ölkələr yalnız neft hasilatının dondurulması üzərində deyil, hasilatı azaltmaq barədə də düşünməlidirlər. Bu halda neftin qiyməti 60 dolları keçə bilər”.
