Nazir: SOCAR İsveçrəyə 400 milyon sərmayə qoyub
İsveçrə Azərbaycan iqtisadiyyatına 220 mln. dollar investisiya yatırılıb.nAzərbaycan da İsveçrəyə sərmayə qoyulub.
Hazırda İsveçrədə SOCAR brendi ilə 148 yanacaqdoldurma stansiyası fəaliyyət göstərir. Ümumilikdə SOCAR İsveçrəyə 400 milyon isveçrə frankından çox sərmayə qoyub.
Bu barədə İqtisadiyyat naziri Şahin Mustafayev Azərbaycan Respublikası Hökuməti və İsveçrə Konfederasiyası Federal Şurası arasında Ticarət və İqtisadi Əməkdaşlıq üzrə Birgə Komissiyanın 7-ci iclasında məlumat verib.
Azərbaycanda 65 İsveçrə şirkətinin fəaliyyət göstərdiyini qeyd edən Şahin Mustafayev İsveçrənin “Holcim” şirkətinin Azərbaycanın qeyri-neft sektorunda ən iri və uğurlu layihələrdən birini həyata keçirdiyini vurğulayıb.
İsveçrənin “AXPO” şirkəti TAP layihəsində 5%-lik paya malikdir və “Şahdəniz” yatağının 2-ci mərhələsi üzrə qazın alıcısıdır.
“Bundan başqa, İsveçrənin “ABB Global Marketing FZ-LLC” və “Trub Trading International AG” şirkətləri ilə də uğurlu əməkdaşlıq həyata keçirilir.
Azərbaycan və İsveçrə arasında iqtisadi əməkdaşlığın əsas istiqamətlərindən olan ticarət dövriyyəsinin həcmi 2016-cı ilin yanvarında 2 dəfə artıb”, - deyə nazir qeyd edib.
Nazirin sözlərinə görə hazırda 8 layihənin icrası davam etdirilir:
“İsveçrə hökuməti tərəfindən indiyədək Azərbaycanda 90 mln. dollar dəyərində 30-dan çox layihə icra olunub ki, bunun 25-i SECO tərəfindən maliyyələşdirilib.
Hazırda 8 layihənin icrası davam etdirilir. Bu layihələrdən biznes mühitinin yaxşılaşdırılması ilə bağlı layihə xüsusilə qeyd edilməlidir”.
