Türk işçilərə Rusiyada işləmək icazəsi verildi
Rusiyanın bir neçə şirkətində işləmək üçün Türkiyədən işçi gətirilməsinə icazə verilib.
Ölkə.az xəbər verir ki, Rusiyanın baş naziri Medvedev "Qazprom", YUKOS və Vladimir Potaninin şirkətlərində işləmək üçün Türkiyədən işçi gətirilməsinə icazə verib.
İcazə hələlik "Xəzinadaroğlu RusTürkConstruction" MMC-nin işçilərinə verilib. Adı çəkilən şirkət YUKOS-un baş ofisini və "Qazpromun" Soçidəki böyük obyektlərinin tikintisi ilə məşğuldur. Bu obyektlərə hotellər, idman kompleksləri və istirahət mərkəzləri daxildir.
Qeyd edək ki, "Hazinedaroglu Construction Group" Soçinin Krasnaya Polyana ərazisində Vladimir Potaninə məxsus dağ idman kompleksinin tikintisinin əsas podratçısıdır.
