Qalatasaraylı futbolçunun atası da terrorun qurbanı oldu
Türkiyənin “Qalatasaray” futbol komandasının hücumçusu Umud Buludun atası Kamal Bulud Ankarada törədilən partlayış nəticəsində ölüb.
Ölkə.Az-ın oxu.az-a istinadən verdiyi xəbərə görə, K. Bulud dünən keçirilən “Gənclərbirliyi” - “Qalatasaray” oyununa baxmaq üçün Ankaraya gedibmiş.
O, oyundan sonra evinə qayıdarkən partlayış baş verib.
Qeyd edək ki, martın 13-də Ankaranın mərkəzində törədilən partlayış nəticəsində 37 nəfər ölüb, 125 nəfər yaralanıb. Hadisəni törədən şəxsin PKK terror təşkilatının üzvü, universitet tələbəsi Səhər Çağla Dəmir olduğu müəyyənləşib.
