Mayk Tayson villasını 1,5 milyona satır
Məşhur amerikalı boksyor, ağır çəkidə keçmiş dünya çempionu Mayk Tayson Las-Veqasdakı imarətini 1,5 milyon ABŞ dollarına satır.
Ölkə.Az Trend-ə istinadən xəbər verir ki, iki mərtəbəli villanın ümümi sahəsi 600 m2-dır.
İmarətdə 5 yataq, 6 hamam otağı, kinoteatr, bir neçə kamin, şərab zirzəmisi, cakuzili və şəlaləli basseyn var. 49 yaşlı boksyor bu evdə 2008-ci ildən yaşayıb, amma əsaslı təmir edəndən sonra 1,5 milyona satır.
İmarətin satışının səbəbi kimi yaxınlıqda daha geniş ev aldığı göstərilir.
