Razi Nurullayev: \"Əli Kərimli neftin qiymətinin düşməsinə niyə sevinir?\"

Son zamanlar neftin qiymətində yüksəliş hiss olnur.

Neftin qiyməti dünya bazarında aşağı düşəndə bir çoxları buna sevinməyə başlamışdı. Ancaq neftin dünya bazarında qiymətinin sürətlə düşməsi ölkədə iqtisadi böhrana gətirib çıxardı.

Bununla bağlı AXCP sədri Razi Nurullayev Ölkə.Az-a videomüsahibэ verib:

"Neftin dünya bazarında qiymətdən düşməsi Azərbaycan xalqının maraqlarına ziddir. Bu insanların daha da kasıblaşması deməkdir. Bunun üçün də, müxalifət olaraq neftin qiymətinin düşməsinə sevinməyi xalqın maraqlarına zidd hesab edirəm. Bu cür siyasətiçilər xalqının dostu olmağa layiq deyildir. Tarixə baxanda neftin qiymətinin düşməsi ilə hakimiyyətdən gedən bir hakimiyyət yadıma gəlmir. Neftin dünya bazarında qiyməti lap 10 dollara düşsün, bu o demək deyil ki, Azərbaycanda hakimiyyət dəyişikliyi olacaq. Bu o demək deyil ki, Səudiyyə Ərəbistanında, Venesuelada hakimiyyət dəyişikliyi olacaq. Belə bir təcrübə yoxdur.

Onlarla siyasətçi, ekspert, əvvəllər hakimiyyətdə olub, zamanı ilə İlham Əliyevə tərif demiş insanlar var ki, bu gün müxalifətə keçib neftin qiymətdən düşməsinə sevinir və İlham Əliyevin hakimiyyətdən getməsini neftin qiymətdən düşməsinə bağlayır. Onlar elə bilirdi ki, artıq YAP hakimiyyəti gedir, yerinə müxalifət gələcək. O zaman da buna aid bir neçə yazı həsr etmişdim, indi də deyirəm, neftin qiymətdən düşməsi hakimiyyət dəyişikliyinə dəlalət etmir və etməyəcəkdir. Neftin qiymətinin qalxması hər kəsin, xalqımızın, müstəqilliyimizin xeyrinədir.

Neftin qiymətinin qalxmasına sevinirəm. Ancaq bilirəm ki, digər müxalif partiyalar buna sevinmir. Milli Şura bəlkə də 100-lərlə qurban deyib ki, neftin qiyməti qalxmasın. Eyni zamanda Əli Kərimli neftin qiymətinin aşağı düşməsi ilə əlaqədar olaraq kifayət qədər insanı ətrafına toplaya bilib ki, hakimiyyət dəyişikliyi olacaq, mənim ətrafımda dayanın. Bu gün neftin qiymətinin qalxması Əli Kərimlinin qanını qaraldıb, o artıq başqa hekayələr uyduracaq".

Razi Nurullayevin fikirlərini geniş formada aşağıdakı videoda izləyə bilərsiniz:

Səxavət Məmməd
Ölkə.Az