“Zaman, insan və cəmiyyət” adlı layihənin tədbiri keçirilib

 

Layihə rəhbəri Paşazadə Ruhanə Şamamməd qızının verdiyi məlumata görə, başlıca məqsəd gənclərin asudə vaxtlarının səmərəli keçirilməsi, maariflənmə olmuşdur. Layihə iki gün davam etməklə 12-13 mart Bakı Sapphire hoteldə baş tutub.

 

Qeyd edək ki, layihənin ilk günü tədbiri giriş sözü ilə açan Ruhanə Paşazadə qeyd etmişdir ki, bugün ölkəmizdəki gənclərin asudə vaxtlarının səmərəli keçirilməsi üçün hər cürə şərait var. İdman əyləncə kompleksləri, kitabxanalar, müxtəlif ölkələri gəzmək və ölkəmizi təbliğ etmək üçün qrand ayıran dövlət və özəl fondlar, müxtəlif dövlətlərin dillərini öyrənmək üçün kurslar, ölkənin həm şəhər həm ucqar yerlərində sürətli internet, texnika və texnologiyalar və s. buraya daxildir. Təəssüflər olsun ki, bəzi gənclər texnologiyanın xeyrindən yararlanmaq dedikdə vaxtlarının böyük bir qismini sosial şəbəkələrdə keçirirlər. Halbuki, internetdən alınası yararlı məlumatlar onlarının bilik bazalarına və gələcəkdəki iş həyatları və təhsilləri üçün xeyli informasiyalar var. Bundan başqa gənclərin asudə vaxtlarının səmərəli keçirilməsi üçün idmanın indiki inkişaf mərhələsindən danışılıb. Bu gün ölkədə uğurlu həyata keçirilən dövlət gənclər siyasətinin əhəmiyyətini vurğulayaraq qeyd etmişdir ki, əsası Ümummilli lider Heydər Əliyev tərəfindən qoyulan dövlət gənclər siyasəti ölkə başıçısı İlham Əliyev tərəfindən uğurla davam etdirilir. Gənclərimizə öz ideyalarını, təşəbbüslərini reallaşdırmaq üçün dövlət tərəfindən kifayət qədər şərait yaradılmışdır. Bunun bariz nümunəsi 2011-ci ildə təsis edilmiş Azərbaycan Respublikasının Prezidenti yanında Gənclər Fondunun elan etdiyi qrant müsabiqələrdir.

 

Bundan başqa layihədə dəvət almış bir sıra gənc təlimçilər gənclərə asudə vaxtlarının əhəmiyyətli keçməsi yönündə bir sıra tövsiyyə və ideyalar irəli sürüblər. Layihənin bağlanış mərasimində isə layihə iştirakçıları sertifikatlara təltif ediliblər.