Rusiyanın ardından \"Hizbullah\" da Suriyadan çəkilir
Rusiyanın Suriyadan çıxmaq qərarından sonra Əsədə dəstək verən daha bir qruplaşmanın da bu ölkədən çıxması xəbəri yayıldı.
Ölkə.az xəbər verir ki, bu haqda məlumatı "Hizbullah"a yaxınlığı ilə bilinən Livan internet saytlarından biri yayıb. Saytın məlumatına görə, dünəndən başlayaraq Suriyada Əsədə dəstək verən yüzlərlə "Hizbullah" döyüşçüsü Livana geri dönüb.
Məlumata görə, "Hizbullah" döyüşçüləri hələlik Livanla Suriyanın sərhədindəki bölgələrdə yerləşdiriləcəklər.
