Qan Turalı \"Əli və Nino\"nu yenə boykot etdi
Tanınmış yazar Qan Turalının yeni kitabı işıq üzü görüb.
Yeni işıq üzü görən romanın adı mərhum yazıçı Mehdi Bəyazidin yazmaq istəyib, yaza bilmədiyi romanının adından götürülüb. "Fələk qırmancı" romanı "Mütərcim" nəşriyyatında "Azərbaycan Yaradıcılıq Fondunun kitabxanası" seriyasından Səhər Əhməd redaktorluğu ilə çap olunub.
Bir müddət öncə hekayələr kitabı çapdan çıxdıqdan sonra tanınmış yazıçı ilə kitab mağazaları şəbəkəsi olan "Əli və Nino" arasında mübahisə yaranmış və bu qalmaqala səbəb olmuşdu.
Məsələnin yenidən aktuallıq qazandığını nəzərə alıb Qan Turalıdan yeni kitabının "Əli və Nino" mağazasında satışda olub-olmayacağını soruşduq.
Tanınmış yazıçı Ölkə.Az-a yeni romanının digər kitab mağazalarda satışda olacağını, lakin "Əli və Nino"ya kitab verməyəcəyini bildirib:
""Əli və Nino" ilə boykot əlbəttə ki, davam edir. Onlar boykotdan bu yana nəinki öz monopolist və bazarçı zehniyyətlərindən əl çəkib, ədəbiyyata münasibətlərini dəyişiblər, tam əksinə hələ bir az da üstünə qoyublar".
Qeyd edək ki, "Fələk Qırmancı" kitabının oxuculara təqdimatı bir neçə gün öncə baş tutub. Yazıçı həmçinin daha bir neçə imza günü keçirəcəklərini vurğulayıb.
