Çeçenistanda daha bir hüquq müdafiəçisi döyüldü
Çeçenistanın paytaxtı Qroznuda "İşgəncələrin qarşısının alınması üzrə Komitənin" rəhbəri, hüquq müdafiəçisi İqor Kalyapin vəhşicəsinə döyülüb.
Ölkə.az xəbər verir ki, bu haqda başqa bir hüquq müdafiəçisi Dmitri Utukin sosial şəbəkədəki hesabında yazıb.
Onun sözlərinə görə, Qroznudakı "Qroznu siti" hotelinə girmək istəyərkən ona naməlum şəxslər hücum ediblər. Döydükdən sonra isə lax yumurta ilə vurmağa başlayıblar. Daha sonra cinayətkarlar hadisə yerindən qaçıblar.
Hüquq müdafiəçisi ətrafdan heç kəsin ona kömək etmədiyini və şəhərin mərkəzi olmasına baxmayaraq ərazidə bir nəfər də olsun polis əməkdaşının olmadığını vurğulayıb.
