Prezident yol çəkilişinə pul ayırdı
Azərbaycan Prezidenti İlham Əliyev Bakı şəhəri Sabunçu rayonunun Ramana-Maştağa avtomobil yolunun tikintisi ilə bağlı tədbirlər haqqında sərəncam imzalayıb.
Ölkə.Az dövlət başçısının rəsmi saytına istinadən xəbər verir ki, sərəncama əsasən, səksən altı min nəfər əhalinin yaşadığı 3 yaşayış məntəqəsini birləşdirən Ramana-Maştağa avtomobil yolunun tikintisi məqsədi ilə 2,5 milyon manat ayrılıb.
Maliyyə Nazirliyi və “Azəravtoyol” ASC-yə yol çəkilişi ilə bağlı maliyyələşməni və tikinti işlərini müəyyən olunmuş qaydada təmin etmək tapşırılıb.
