Rusiyada “Boeing” qəzasında ölənlərin siyahısı dərc olunub
Rusiyanın Rostov-na-Donu şəhərində “Boeing”in qəzaya uğraması nəticəsində həlak olanların adları və vətəndaşlıqları müəyyən edilib.
Ölkə.Az oxu.az-a istinadən xəbər verir ki, bu barədə Rusiyanın FHN Milli böhran vəziyyətlərində idarə mərkəzinin rəisi Viktor Yatsutsenko bəyan edib.
“55 sərnişindən beşi xarici ölkə vətəndaşıdır. Onların şəxsiyyəti, dövləti müəyyənləşdirilib”, - Yatsutsenko bildirib.
Rusiyanın FHN saytında təyyarənin qəzaya uğraması nəticəsində həlak olanların siyahısı dərc edilib.
Dubaydan uçan “Boeing-738” sərnişin təyyarəsi martın 19-da təxminən saat 3.40 (Moskva vaxı ilə) Rostov-na-Donu aeroportunda qəzaya uğrayıb. Məlumata görə, qəza nəticəsində 55 sərnişin və yeddi heyət üzvü daxil olmaqla 62 nəfər həlak olub. Cinayət işi açılıb.
