İstanbulun mərkəzində güclü partlayış, çox sayda ölənlər və yalalılar var
14:15
İstanbul valisi Vasip Şahin Bəyoğlundakı partlayışa səbəbin canlı bomba hücumu zamanı meydana gəldiyini bildirərək, hadisədə 4 nəfərin öldüyünü, 3-ü ağır olmaqla 20 nəfərin də yaralandığını bildirdi.
__________________________________________________________________________
Türkiyənin İstanbul şəhərinin mərkəzində, İstiqlal prospektində güclü partlayış baş verib
Ölkə.Az xəbər verir ki, partlayış nəticəsində 3 nəfər ölüb, yaralılar isə təcili xəstəxanalara çatdırılıb.
Partlayışa səbəb canlı bomba olduğu qeyd edilir. Həmçinin iddiaya görə canlı bomba partlatmaq istədiyi yerə çatmadan bomba işə düşüb.
Hadisədən sonra prospekt polis tərəfindən nəzarətə götürülüb, gediş-gəliş dayandırılıb.
Qeyd edək ki, Taksim meydanı yaxınlığında yerləşən məşhur İstiqlal caddəsi ticarət mərkəzləri, mağazalar və əyləncə məkanlarının olduğu, insanların piyada çox sıx hərəkət etdiyi yerdir. İstanbula gələn turistlər ən çox bu ərazidə olur.
