"Xanımımla meşədə tanış olmuşuq"
Xalq şairi Fikrət Qoca nostalji duyğulara qapılıb.
Ölkə.Az bildirir ki, publika.az-a danışan şair gənclik illərində peşəkar ovçu olduğunu deyib:
"Cavan vaxtlarımda ova getməyi çox sevirdim. Ovçuluğumdan mənə bir tüfəng yadigar qalıb, bir də xanımım. Xanımımla meşədə tanış olmuşuq. Bakıdan doğulduğum Ağdaş meşələrinə - Kürün qırağına dincəlməyə getmişdim. Orada bir gözəl qızla tanış oldum. Öyrəndim ki, tələbədir, rayona yay tətilinə gəlib. Atası dedi ki, elə Bakıya gedəndə qızımı da apararsınız. Çünki yerli olduğumuz üçün bizə etibar edirdi. Beləcə ünsiyyətimiz yarandı, evləndik. Xanımım məndən 15 yaş kiçikdir. Amma heç vaxt aramızda bu yaş fərqini hiss etməmişik".
