İŞİD ABŞ hərbçilərinə raketlə hücum etdi

Hücumun İŞİD tərəfindən həyata keçirildiyi ehtimal edilir.

İraqın şimalında Mosul şəhəri yaxınlığında raket zərbəsi nəticəsində 1 ABŞ hərbçisi həlak olub, bir neçə əsgər yaralanıb. Ölkə.Az xəbər verir ki, bu barədə Pentaqon məlumat yayıb.

Mosul şəhəri hazırda İŞİD terrorçu qruplaşmasının nəzarətindədir. Məlumata əsasən döyüşçülər amerikalı hərbçilərin İraq ordusuna hərbi hazırlıq səviyəsinin artırılması ilə bağlı təlim keçdiyi Mahmur hərbi bazasına 2 raket buraxıb.

Həmin bazada İraq qoşunlarının Mosulun geri alınması üçün hücum əməliyyatına hazırlaşdığı bildirilir. ABŞ müdafiə nazirliyinin bəyanatına görə,  ABŞ qüvvələri hazırda İraqlı həmkarlarına İŞİD-in əsas istinadgahı sayılan Rəqqa şəhərini Mosuldan təcrid etməyə yardım edir.

Pentaqon yararlıların dəqiq sayı və kimliyi barədə məlumat verməkdən imtina edib.  Həlak olan hərbçi dəniz-piyada qüvvələrinin əsgəri olub.

Bu ABŞ qüvvələrinin İraqa yeridildiyi 2014-cü ildən bəri öldürülən ikinci Amerika əsgəridir. Bundan əvvəl oktyabr ayında İraqın şimalında  İŞİD-in əsir saxladığı 70 nəfərin azad edilməsi üçün keçirilmiş əməliyyatda 1 hərbi qulluqçu həlak olmuşdu. Anspress

Ölkə.Az