Bərdədə zəncirvari avtomobil qəzası baş verib
Bərdədə zəncirvari qəza baş verib, 3 nəfər xəsarət alıb
APA-nın Qarabağ müxbirinin xəbərinə görə rayonun Qaradəmirçi kəndi ərazisində baş verən qəzada 3 minik avtomobili və 1 mikroavtobus toqquşub.
Nəticədə “Mercedes” markalı minik avtomobilinin sürücüsü 20 yaşlı Qurbanov Pərviz və sərnişini 22 yaşlı Ceyhun Bağırov, mikroavtobusun sürücüsü Mübariz Alışanov müxtəlif bədən xəsarəti ilə Bərdə Mərkəzi Rayon Xəstəxanasına yerləşdiriliblər. Digər “VAZ- 2106” və “Opel” markalı minik avtomobillərinə ziyan dəysə də, sürücü və sərnişinlər xəsarət almayıb.
Faktla bağlı Bərdə rayon Polis Şöbəsində araşdırma aparılır.
