Raul Kastro Barak Obamanı qəbul edib
Raul Kastro və Barak Obama arasında görüş başlayıb
Kubanın Dövlət Şurasının və Nazirlər Şurasının sədri Raul Kastro və ABŞ prezidenti Barak Obama arasında Havanada İnqilab sarayında görüş başlayıb.
Ölkə.az-ın CNN kanalına istinadən verdiyi xəbərə görə, dövlət himnlərinin oxunmasından sonra liderlər fəxri qarovulun qarşısından keçiblər.
Danışıqlardan sonra mətbuat konfransının olacağı gözlənilir.
Xatırladırıq ki, bundan əvvəl B. Obama Kubanın Milli Qəhrəmanı Xose Martinin abidəsi önünə gül dəstəsi qoyub, Marti muzeyini ziyarət edib, fəxri qonaqlar üçün kitaba ürək sözlərini yazıb.
